دولـــــــة عيـــــال مجنونـــــــة

دولــــــة عيـــال مجنونـــــــة
 
الرئيسيةالبوابةس .و .جبحـثالتسجيلالأعضاءالمجموعاتدخول

شاطر | 
 

 شهامة عريس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عزوز لزوز
محـافظ مجنون
محـافظ مجنون
avatar

عدد الرسائل : 978
العمر : 29
تاريخ التسجيل : 25/05/2007

مُساهمةموضوع: شهامة عريس   الجمعة يونيو 13, 2008 3:15 pm

الحلقه الاولى

باقى ثلاث شهور على مناقشة الرسالة .. يادوب أجهز نفسى وأرتب أفكارى .. وأشوف أيه اللى ورايه :

فرح أختى يوم الخميس أقيس البدله كده .........
ياسلام عليك يا واد يا طارق كأنك العريس ...
بس كده تمام يادوب اوديها للمكوجى يأكد على كويها
ودلوقتى اكلم اصحابى علشان ما ينسوش ميعاد الفرح

طارق : ألو ... أزيك يا على ؟؟؟ وحشنى جداااااا
على : أهلا طارق أنت ابن حلال كنت لسه بفكر اكلمك
طارق : القلوب عند بعضها
على : لايا طارق أنت أنسان شفاف وبتحس دايما بالى حواليك
طارق : ماشى يا ابو على يعنى مصر ربنا يكرمك ... أنا كنت متصل علشان أأكد عليك ميعاد فرح ساره بعد بكره ان شاء الله
على : ألف مبروك عقبالك ... ولا مش ناوى
طارق : ربنا يقدم اللى فى الخير
على : يا سلام نفسى افرح فيك عندى احساس انك هتدب دبه جامده اووووووى
طارق: ده مين ده أنا لالا أحساسك مش ممكن يحصل
على : بكره نشوف
طارق: بس قولى مال صوتك كده مش طبيعى مع انك بتحاول تهزر بس برده صوتك مخنوق
على :مش بقولك أنك شفاف وبتحس بى من غير ما اتكلم حتى وانت مش شايفنى .. ايوه يا طارق مخنوق وحاسس انى متلخبط .. مسئوليه البيت والاولاد ... واتهلكت فى الشغل كل حاجه ... كل حاجه ... عارف ساعات بفتكر رحلتنا مع بعض أيام الكليه وببقى نفسى الايام دى ترجع تانى
طارق : انت لسه فاكر ؟؟
على :ودى ايام تتنسى برده .. ايام ... كان الواحد فيها كده خفيف ماوراهوش مسئوليه .. يا الله الظاهر ان الواحد مش بيحس بجمال الايام غير لما تعدى
طارق : مالك كده بتتكلم زى مايكون عندك سبعين سنه يا بنى كل مرحله وليها جمالها واجمل حاجه انك تبص ادامك وتستمتع بوقتك ومش معنى انك مضغوط ان الايام وحشه لاء بالعكس دى سنه الحياة ولازم ترضى بيها
على : طول عمرك عاقل ومخك كبير ... ها قولت أيه ؟؟؟
طارق : فى ايه يا ابو على ؟؟؟
على : الرحلة
طارق : أه فكره بس انا ظروفى ملخبطه ومشغول على الاخر ومناقشه الماجستير فاضل عليها ثلاث شهور بس هفكر
على : ياريت ياطارق بجد يومين بس حتى
طارق :علشان خاطرك بس يا ابو على
على: ربنا ما يحرمنى منك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عزوز لزوز
محـافظ مجنون
محـافظ مجنون
avatar

عدد الرسائل : 978
العمر : 29
تاريخ التسجيل : 25/05/2007

مُساهمةموضوع: رد: شهامة عريس   السبت يونيو 14, 2008 7:24 pm


الحلقه الثانيه

يوم الفرح

والدة طارق ...

يا الله ياطارق الزفه هتبدء يا الله علشان تسلم أختك لعريسها
استنى ورينى كده البدله مضبوطه ... يا سلام عليك يا طروقه .... مش ناوى بقى تفرحنى بيك .. يا بنى نفسى اطمن عليك زى ما طمنت على ساره قبل لما اموت

طارق .. بعد الشر عليك يا جميل .... مين عارف مين هيموت قبل مين ؟؟ إن شاء الله ربنا يديلك طوله العمر يا ست الحبايب وتشيلى احفاد احفاد ساره وتجوزيهم كمان

ساره : يا سلام هتقلبوها دراما ولا ايه !! وبعدين بصيلى أنا العروسه ... مش قاعد تظبطي فى هدومه ...

الام : بسم الله ماشاء الله يا ارض احفظى ما عليكِ .. أجمل عروسه شوفتها ربنا يحفظك ويسعدك يا ساره ياااااااارب ويهدى سرك يا بنتى

طارق .. أجمل عروسه ايه .. حضرتك بتجامليها يا ماما !!!

ساره .. يا سلام يا أخويه ... يعنى مش عاجبك .. لما نشوف عروستك هتبقى شكلها ايه ؟؟

الام : يا سلام عليكم على طول ماسكين فى بعض كده زى ناقر ونقير ربنا يهديكم
طارق : ويخليكِ لينا يا ست الحبابيب ... بس بجد يا بنت يا ساره زى القمر ... ربنا يحفظك ... ويسعدك

ساره : عقبالك يا طروقه لما أفرح فيك

الام : يا الله بقى تأخرنا على الزفه

ونزل طارق وساره متشبثه فى ذراعه وهى فى غايه الخجل وطارق عيناه دامعتين وكان يقف اعلى قاعه الفندق اثناء الزفه لمح فتاة ترتدى فستان لبنى كانت بنت جذابه جداا وظلت عيناه مثبته عليها وطوال الزفه مشغول عن كل من حوله ولم ينتبه ان الزفه انتهت وفاق على صوت على صديقه

على :مبروك يا طارق ... طارق ... طارق .. هاااااا أهلا على عقبالك ... عقبال مين مالك!!!

طارق : ابدأ اتفضل

وترك على وهرول اتجاه الفتاه الى ان تاهت من زحمه الفرح اسرع طارق ليبحث عنها... ظل يبحث عنها فى كل مكان واخيراً وجدها تقف مع مجموعه بنات
تردد فى ان يبدء التعرف عليها ولكن تردده لم يطووووووول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Banbino
محـافظ مجنون
محـافظ مجنون
avatar

عدد الرسائل : 6055
العمر : 29
Localisation : الاسكندرية
تاريخ التسجيل : 11/02/2008

مُساهمةموضوع: رد: شهامة عريس   السبت يونيو 14, 2008 11:17 pm

ها وبعدين

زيزو طول الحلقة شوية بليز

كمل يا جميل


تقبل مرورى وشكرى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahmedfawzy202.piczo.com/Pics?cr=3&linkvar=000044
عزوز لزوز
محـافظ مجنون
محـافظ مجنون
avatar

عدد الرسائل : 978
العمر : 29
تاريخ التسجيل : 25/05/2007

مُساهمةموضوع: رد: شهامة عريس   الأحد يونيو 15, 2008 2:36 pm

الحلقه الثالثه
ذهب تجاه الفتيات وقال

طارق : مساء الخير

رد الجميع مساء النور الا علا نظرت فى الارض " توجه طارق بجانبها وقال لها بصوت منخفض

طارق: حضرتك قريبة العريس ؟

علا : فى خجل ....لا أنا صديقه ساره !!

طارق : انا اسف أصلى ما شوفتش حضرتك بتزورى ساره قبل كده !!

علا : فعلاً أنا عمرى ما زورتها لان ببساطه بابا مش بيسمحلى بزياره اصدقائى ... أكيد حضرتك هتستغرب بس دى وجهه نظره وأنا بحترمها جدا

طارق: مع ابتسامه " بالعكس .. أنا سعيد .. ومحترم وجهه نظره لأنه أكيد خايف عليكِ وطبعاً له حق لاننا كل يوم بنسمع عن بلاوى بتحصل من الاستهتار

صوت نداء ... علا يا الله بينا علشان نروح

طارق .....!!!!! شكله تغيير

علا : أعرفكم ببعض أ. طارق اخوا ساره ... محمود اخويا

طارق : ابتسامه عريضه ... نورتنا مستعجل ليه يا أ. محمود لسه بدرى ...

محمود يادوب نروح .. ما قدرش اتأخر ومعايا علا اكثر من كده

طارق : معاك حق .. عموماً نورتنا ولو أنى كان نفسى تقعدوا معانا أكثر

محمود : ربنا يكرمك

طارق " مد يداه بالسلام على محمود : فرصه سعيده ونظر لعلا قائلا : فرصه سعيده .. وعقبالك

علا : " فى خجل " أنا اسعد

أثناء الفرح طارق فى عالم أخر ... ولا يشعر بوجود اى شخص جانبه وتذكر مكالمه على
" ...... يا سلام نفسى افرح فيك عندى احساس انك هتدب دبه جامده اووووووى "

على لاحظ حال صديقه وحاول ان يتحدث اليه ولا جدوى ..

كل ما فى باله معقول معقوووووول بالسرعه دى ...

انتهى الفرح ... وعاد طارق ووالدته الى البيت وعلى وجهه ابتسامه لاحظتها والدته وطوال الطريق لم يتحدث بأى كلمه وفى حاله هيام تاااااااااام .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Banbino
محـافظ مجنون
محـافظ مجنون
avatar

عدد الرسائل : 6055
العمر : 29
Localisation : الاسكندرية
تاريخ التسجيل : 11/02/2008

مُساهمةموضوع: رد: شهامة عريس   الأحد يونيو 15, 2008 5:36 pm

تمام تمام

الى بعدو يا مان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahmedfawzy202.piczo.com/Pics?cr=3&linkvar=000044
The President
رئيس الدولــة
رئيس الدولــة
avatar

عدد الرسائل : 1589
تاريخ التسجيل : 05/04/2007

مُساهمةموضوع: رد: شهامة عريس   الإثنين يونيو 16, 2008 8:35 pm


( رئيس دولة عيال مجنونة )
حلقات جميلة منك يا وزيرى عزوز
ومجهود رائع منك تستحق كل تقدير عليه
وعايزين نعرف ايه بقى اللى حصل بعد الفرح ؟؟

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عزوز لزوز
محـافظ مجنون
محـافظ مجنون
avatar

عدد الرسائل : 978
العمر : 29
تاريخ التسجيل : 25/05/2007

مُساهمةموضوع: رد: شهامة عريس   الإثنين يونيو 16, 2008 9:39 pm

الحلقه الرابعه

فى بيت طارق

والدته : كانت ليله جميله ... عقبالك يا طارق

طارق : إن شاء الله قريباً .

والدته : بتقول أيه ...... عيد تانى .. أول مره أسمعها منك ... مش مصدقه نفسى !!!!أخيرا .. أخيرا هتحن عليه وتتجوز .... لكن تعالى هنا قبل الفرح ماكنتش عايز تتجوز . أيه اللى شقلب حالك اعترف .. انطق . .... أمتى ؟؟ وفين ؟؟ وازاى ؟؟؟

طارق : " لا تعليق " والابتسامه لا تفارق وجهه .

والدته : طارق ... طارق ..... طاااااااااارق

طارق : بتكلمينى يا أمى

والدته : يا ضنايا ..... ده انت حكايتك حكايه

طارق :ليه؟؟؟

والدته : ابداً سرحان وهيمان وبكلمك وانت ولا انت هنا

طارق: بجد باين عليه حاجه ؟؟

والدته : طبعاً ده أنا عجناك وخبزاك

طارق : تصبحى على خير يا أمى

والدته : يا سلاااااااااام .. هو أيه اللى تصبحى على خير ده

طارق : أيه بس يا ماما .. الفجر قرب يأذن عايز اناااااام
والدته : طيب يا خويا روح نام بس من بدرى تقوم وتحكيلى على اللى حصل بالتفصيل .

طارق : إن شاء الله

· طارق كان فاكر أنه هيقدر ينام بس على مين !!!!!!!!!!!!
لكن صوره علا مافارقتش خياله ولو لحظه ولا صوتها الرقيق المنخفض .. ظل يرن فى اذنه طوال الليل .. ونظره الخجل اللى كانت واضحه عليها جدااااااااااااااااااااا بالرغم من ان الحديث بينهم ماكنش طويل الا انه فضل يفكر فيه كلمه كلمه ويردده وهو مبيتسم قام طارق وتوضىء وصلى وظل يدعوا الله يارب اجعلها من نصيبى لو كانت بنت كويسه "
واجعلى فيها الخير وظل يدعوا ويصلى ...... ظل يعد الدقائق وينتظر والدته حتى تستيقظ ويذهبا ليباركا لساره
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عزوز لزوز
محـافظ مجنون
محـافظ مجنون
avatar

عدد الرسائل : 978
العمر : 29
تاريخ التسجيل : 25/05/2007

مُساهمةموضوع: رد: شهامة عريس   الثلاثاء يونيو 17, 2008 9:01 am

الحلقه الخامسه
قام من فراشه فى تمام السابعه وذهب الى حجره والدته

ماما .. مامااااااااااااااا

والدته : مين فين ....... فى ايه يا طارق؟؟؟

طارق: اصحى بقى يا ماما مش عايزه تروحى لساره ..

والدته : اه هى الساعه كام ؟؟؟

طارق : هاااااااااا.. الساعه 7.00

والدته : " فى فزع " ايه ...... 7 المغرب ازاى تسيبنى نايمه كل ده !!!!!!!!!!

طارق :هاااااااااا لا.. ..7.00 .صباحاً

والدته : أاااااااااااااااااامشى من وشى .. فى حد يزور حد الساعه 7.00

طارق : لاما عقبال ما تقومى وتلبسى وتفطرى هتبقى 8.00

والدته : أمشى من ادااااااااااااااااااااامى

انصرف طارق حزينا وهو يحدث نفسه : هى بتعمل كده ليه ؟؟؟

وظل يعد فى الدقائق حتى استيقظت والدته وبالطبع أول ما شافته " نظرت له نظره مااااااااا تتنسيش "

طارق: صباح الفل يا ست الكل .....

والدته : " من تحت الضرس" صباح النوووووور

طارق: مالك بتقوليها كده ؟

والدته : أبداً اصلى حلمت أنك بتصحينى الساعه 7.00 وبتقولى تعالى نروح نبارك لساره

طارق : لالالالا ده ماكنش حلم دى حقيقه

والدته : وفرحان أوى ... أنا عايزه افهم ايه حكايتك يا واد انت .. كنت بعقلك وبيضرب بيك المثل ؟؟

طارق : ابداً اصل ساره وحشانى مووووووووووت

والدته : عجايب !!!!!!!!!!!!!!!

طارق : مش هننزل بقى

والدته : بعد صلاه الجمعه .... ولا مش ناوى تصلى ؟؟؟

طارق بيبرطم : .. لسه هستنى

والدته : نعم بتقول حاجه ؟؟؟

طارق : ابدأ بقول صح كده ....

وبعد صلاه الجمعه طار طارق على البيت .... مامااااااااا يا ماما .. يا الله بقى ...

والدته : طيب اهوه جايه متسربع على ايه الدنيا هتطير ؟؟؟

واخيرا وصلا الى الفندق بعد ما كان طارق يسير بسرعه ميكروباصيه والحمدلله جات سليمه المره دى بالعنايه الالهيه
تفادى طارق ثلاث حوادث
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Banbino
محـافظ مجنون
محـافظ مجنون
avatar

عدد الرسائل : 6055
العمر : 29
Localisation : الاسكندرية
تاريخ التسجيل : 11/02/2008

مُساهمةموضوع: رد: شهامة عريس   الثلاثاء يونيو 17, 2008 2:26 pm

بقولك يا زيزو طول الحلقة شوية

بلاش كدة

كمل يا مان

study study study study
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahmedfawzy202.piczo.com/Pics?cr=3&linkvar=000044
عزوز لزوز
محـافظ مجنون
محـافظ مجنون
avatar

عدد الرسائل : 978
العمر : 29
تاريخ التسجيل : 25/05/2007

مُساهمةموضوع: رد: شهامة عريس   الأربعاء يونيو 18, 2008 11:38 am

الحلقه السادسه
فى الفندق
لم ينتظر طارق الاسانسير وصعد السلم على قدميه وترك والدته دون ان يشعر وعندما تذكر وقف بجوار الاسانسير لينتظر والدته وعندما وصلت الام نظرت له دون ان تنطق بكلمه واحده !!!!!!!!!!!!!
وفى غرفه ساره .......
الام : أخذت ساره فى حضنها يا حبيبتى يا سوسو البيت من غيرك مالهوش طعم

طارق: فعلا يا ساره ماكنتش اعرف أنك هتوحشينى كده

والدته :فى توعد " أه .. هتقولى ...." خلينى ساكته "

طارق : ساره عايزك فى كلمتين

ساره : خير اؤمرنى

طارق: أيه ده .. مالك عقلتى كده .. من أمتى ؟؟

ساره : ياربى .. عليك

طارق : ما تيجى تفرجينى البلكونه

وذهبا الى البلكونه وكان منظر النيل رائع والجو معتدل

ساره : مممم طيب تعالى .. ادينا بقينا لوحدنا ها يا سيدى

طارق : ساره بقولك ايه .. ازيك ؟؟

ساره : نعم .. ساره عايزك فى كلمتين ... يا ساره فرجينى البلكونه .. وفى الاخر تقولى أزيك .. هات من الاخر ...

طارق : يا سلام عليكِ يا ساره دايما ظلمانى كده ... بقولك تعرفى بنت أسمها علا ؟

ساره: الا أعرفها دى صحبتى الروح بالروح .. بس بتسأل ليه ..؟؟؟ آآآآآآآآآآآه كده بانت
عموماً بنت ممتازه .. دين ... واخلاق .... وتربيه عاليه جداااااااااااااااا

طارق: ها وايه كمان ؟

ساره: لا بعدين بقى ابقى احكيلك عليها

طارق : بعدين ليه ؟؟

ساره : علشان عيب اسيب ماما أكثر من كده وعلى العموم ربنا يجعلها من نصيبك بس ياريت تكلم ماما فى الموضوع ده وتتحرك بسرعه لانها ....

طارق: فى فزع " ايه مالها ؟؟؟؟؟

ساره : ابداً قبل فرحى بكام يوم كان جايلها عريس وباباها كان موافق عليه جدا .. بس ما تقلقش هى ماكنتش موافقه

طارق : طيب هاتى رقم التليفون علشان هخلى ماما تتصل تحدد ميعاد معاهم

وفى بيت طارق
فاتح طارق والدته فى الموضوع وشجعته جدا لانها تعرف علا كويس
وفى نفس اليوم اتصلت بوالدته علا واتفقت معها على تحديد ميعاد لمقابله والدها

فى بيت علا
الام : علااااااااااااااااا

علا: نعم يا ماما

الام : عارفه مين كان بيكلمنى دلوقتى ؟

علا : مين ؟؟؟؟

الام : والده ساره

علا: خيررررررررررررر؟؟

الام : أبدا اصل اخوها كان عايز يتقدملك

علا: فى فرحه " طارق!!!

الام : ايوه طارق مالك فرحتى كده انتَ تعرفيه

علا : هعرفه منين بس ؟ انا شوفته امبارح فى الفرح ودى كانت اول مره " وحكت علا لوالدتها على كل الحديث)

الام : طيب ربنا يقدم اللى فيه الخير

علا: ماما تفتكرى بابا ممكن يرفض يديلهم ميعاد وخصوصا بعد مارفضت ابن صديقه؟

الام: مش عارفه يا علا والله

علا : ماما ارجوكى حاولى تقنعيه

الام: اشمعنى بقى .... أول مره يجيلك عريس وتهتمى

علا: بصراحه مش عارفه بس بجد أول مره اتشد لشخص بالشكل ده شكله محترم جدااااااااا

الام: وأيه كمان ...

علا : وبس يا ماما

الام: ربنا يسهل هعمل كل اللى أقدر عليه

وقد كان فاتحت ام علا زوجها فى الموضوع وبعد عناء وس... و ج... وافق اخيرااااااااااااااااااا
على تحديد موعد يوم الخميس
بلغت أم علا علا بعد ما لعبت بأعصبها ان اباها وافق على مقابله العريس

علا : طيب مش هتتصلى بيهم ؟؟

الام : لا طبعاً .... أنتِ عايزاهم يقولوا ايه ؟؟ ما صدقنا

علا: يعنى هتكلميهم امتى ؟؟

الام: ربنا يسهل


فى بيت طارق

طارق يجلس فى حجره المعيشه ولم يتحرك من جانب التليفون الا للصلاه وكلما دق جرس التليفون يكاد قلب طارق يتوقف ...

وبعد طول انتظار ....

طارق : ماما مش هتكلمى والدته علا ؟؟؟

الام : وأكلمها ليه ؟

طارق : يعنى .. علشان نعرف الميعاد ؟

الام : فى توعد : لا طبعاً المفروض هما اللى يتكلموا ..

وانصرف طارق الى حجرته

واتصل بساره

ساره : أهلا يا طروقه .. أزيك

طارق: أزيك أنت عامله ايه ؟

ساره : الحمدلله :.... بس مال صوتك

طارق : أبدا .. مافيش !!

ساره: لا بجد مالك

طارق: ابدا .. أصل والدته علا ولا حس ولاخبر .. وانا خايف يكون ده معناه ان والدها رافض يقبلنى ومحرجين يبلغونى

ساره : يا سلام .. انا هشوفلك الاخبار وهرد عليك

طارق: ربنا ما يحرمنى منك يا اجمل اخت فى الدنيا

وبعد طول انتظااااااااااااار

طارق: حرام عليكِ كل ده

ساره : ايه مش عقبال ما ندردش مع بعض

طارق: يا سلام انتوا دردشوا وانا قاعد على اعصابى .. ها طمنينى

ساره : طارق... أصل

طارق: فى حزن .. خلاااااااص أنا قلبى كان حاسس

ساره : حاسس بأيه .. خلاص يا عريس والد علا حدد ميعاد يوم الخميس الساعه 8.00

طارق: فى سعاده ..... بجددددددددددددددد

تمنى طارق ان يبات اليومين دول ادام بيت علا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
همسة محمد
محـافظ مجنون
محـافظ مجنون
avatar

عدد الرسائل : 6423
العمر : 27
تاريخ التسجيل : 26/12/2007

مُساهمةموضوع: رد: شهامة عريس   الخميس يونيو 19, 2008 11:24 am

هههههه اهدى يا طارق وان شاء الله من نصيبك

حلوة اوى الحلقات يا زيزو ويا ريت تطولها شوية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عزوز لزوز
محـافظ مجنون
محـافظ مجنون
avatar

عدد الرسائل : 978
العمر : 29
تاريخ التسجيل : 25/05/2007

مُساهمةموضوع: رد: شهامة عريس   الخميس يونيو 19, 2008 7:51 pm

الحلقه السابعه

فى صباح يوم الخميس
فى بيت علا
منزل علا مقلوب ومافيش حاجه فى مكانها استعداداً لاستقبال العريس ووالدته " حركه نظافه كامله "
وعلا من الفجر تضع الماسكات على وجهها من زبادى وخيار ثم الخميره ثم الترمس والفول والحلبه ..........
وبعد حفله الماسكات
بدأت فى رحله الحيره " هلبس ايه وخرجت كل ملابسها من الدولاب لتختار اجمل مالديها وتستقبل طارق واختارت علا فستان بسيط ورقيق جداً لونه موف ولكن كان هينطق عليها

فى بيت طارق
جهز طارق أجمل بدله عنده واغلى برفان وأستعد للموعد واخذ سيارته وطار على بيت العروس وطوال الطريق يردد " اسبقنى يا قلبى اسبقنى على الجنة الحلوة اسبقنى ... ووالدته تنظر له فى عجب وتردد لا حول ولا قوه الا بالله توقف طارق عند محل ورد واشترى بوكيه ورد واختار تصميمه بنفسه كان ورد ابيض من كل اتجاهات سبت الورد وفى المنتصف ورد احمر
وانطلاقا الى بيت العروس
بيت علا
رن طارق جرس الباب
فتح ابو علا
ورحب الاب بطارق ووالدته ودار الحديث فى هدووووووووووووء وطلب الاب من والده علا ان تندها لتقابل عريسها
وظهرت برنسيس اليوم وهى فى قمه الجمال والرقه ورددت أم طارق بسم الله ماشاء الله يا ارض احفظى ما عليكِ فنظرت علا الى الارض وهى فى شده الخجل

طارق: أعرف حضرتك بنفسى يا عمى
أنا طارق المصرى عندى 28 سنه معيد فى كليه التجاره - وبحضر الماجستير - والدى توفى وأنا عندى 16 سنه . كنت فى ثانويه عامه والحمدلله على كل شىء كان نفسى أدخل كليه قمه ولكن قدر الله وماشاء فعل والدى توفى قبل الامتحانات بأيام وطبعا ده أثر عليه جداً بس رضيت بنصيبى ودخلت كليه تجاره وحبيتها جداً وتفوقت فيها بفضل الله.............. أربع سنين الاول على الدفعه لغايه ما عينت معيد ....... وعلى فكره أنا بشتغل من سنه اولى جامعه مع أن والدى الله يرحمه كان مأمن مستقبلنا لكن أنا بحب أعتمد على نفسى وعلى فكره أنا عندى شقة من حر مالى ويشرفنى يا عمى أنى أطلب ايد الانسه علا !!

الاب " " بأعجاب " ربنا يقدم اللى فيه الخير

الاب : وأنت بقى يا طارق يا ابنى عندك اخوات غير ساره

- فى الحقيقه لاء يا عمى ساره اختى الوحيده

- وانت ايه طموحك بتفكر فى ايه ... ؟؟ نفسك تحقق ايه ؟؟

- نفسى ان شاء الله اسافر اخذ الدكتوراه من لندن وبعد ما أخد الكتوراه ارجع بلدى علشان اقدم لها حاجه مفيده نفسى اعمل طفره فى التعليم نفسى يكون الشباب بيحب دراسته مايبقاش هدفه هو الشهاده وخلاص وبعد ما يتخرج ينسى كل اللى اتعلمه ... بتمنى اعلم الشباب ازاى يستفيدوا بدراستهم ويتعلموا يدوا ... ويردوا الجميل .
ولا ايه رأيك يا أنسه علا ؟؟؟؟

الاب : نفس كلام علا بالضبط سبحان الله

علا: فى شده الخجل " فعلاً الدراسه بقت زى تأديه الواجب كأن كل واحد لازم يأخد شهاده علشان كلام الناس وخلاص لكن هيستفيد او يفيد ...

سعد طارق أن هناك توافق فكرى بينه وبين علا وبعد ان انتهى الحديث
اتفقا على أن يتصل الأب بطارق قريبا ان شاء الله ليبلغه الرد


والد علا :
بس الولد ممتاز فعلا تفكيره ناضج كده ومش متهور زى شباب الايام دى ده غير انه مثقف وهيبقى دكتور فى الجامعه يعنى مستقبله رائع وكمان جاهز من مجاميعه

الام : فعلا وكمان والدته حته سكره

الاب: ايه يا علا ساكته ليه ؟

علا : ابدا بسمعكم

الاب: طيب ايه رأيك ؟

علا : فعلا يا بابا هو شاب ممتاز وأنا مرتاحه للموضوع بس ادينى فرصه استخير

الاب: ربنا يقدم اللى فيه الخير

فى بيت طارق
فى حجره والدته
جلست الام على فراشها وجلس طارق على الكرسى المجاور للفراش

- يا سلام يا طارق البنت زى القمر والله عرفت تنقى ربنا يجعلها من نصيبك

-طارق : ياااااااااااارب

- شوف الولد .......!!!!!!!!!

-تفتكرى هيوافقوا ؟؟؟ّّّ

- طبعاً الا يوافقوا أنت ماشفتش الراجل كان هيقوم يأخدك بالحضن وأنت بتتكلم عن نفسك

- بجد ...

- يا سلام وانت عندك شك

- طيب بقول ايه .... واقترب طارق من باب الحجره ... مش يدوب نتصل نشوف ردهم .....وخرج مسرعاً وسمع صوت طاااااااااااااااااااااااااااااااااااخ......!!!!!!! !!

فى بيت علا
طرقت والده علا باب حجره علا

ها يا علا شايفاكى كده مسهمه

- ابدا خايفه من القرار

- بصى يا بنتى أهم حاجه لازم تعرفيها ان الموضوع مش فستان فرح وكوشه ومعازيم وكلمتين حلوين لا الجواز يعنى مسئوليه ولازم تحطى الكلمه دى فى بالك وانتَ بتفكرى وان شاء الله خير ...!!!!!!!!!!!

علا باتت طوال الليل فى الدعاء والصلاه والتفكير ياترى هو ده زوج المستقبل؟؟؟ ياترى ده الانسان اللى هقدر اكمل معاه باقى عمرى وهيكون اب لاولادى ومسئول عنى وعنهم
وبعد ثلاث أيام من التفكير العميق ....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
همسة محمد
محـافظ مجنون
محـافظ مجنون
avatar

عدد الرسائل : 6423
العمر : 27
تاريخ التسجيل : 26/12/2007

مُساهمةموضوع: رد: شهامة عريس   الخميس يونيو 19, 2008 8:23 pm

الف مبروك يا بانبينو عقبالنا

---------

حلوة اوى يا زيزو الحلقات وفعلا انت طولتها شوية

بس من الاخر هيتجوز هيتجوزو دى هههههه التوقعات المعروفة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Banbino
محـافظ مجنون
محـافظ مجنون
avatar

عدد الرسائل : 6055
العمر : 29
Localisation : الاسكندرية
تاريخ التسجيل : 11/02/2008

مُساهمةموضوع: رد: شهامة عريس   الخميس يونيو 19, 2008 8:42 pm

شكرا يا همسة Surprised عقبالكو كلكم ان شا الله

تمام يا زيزو كمل

الى بعدو


Rolling Eyes Rolling Eyes Rolling Eyes Rolling Eyes
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahmedfawzy202.piczo.com/Pics?cr=3&linkvar=000044
عزوز لزوز
محـافظ مجنون
محـافظ مجنون
avatar

عدد الرسائل : 978
العمر : 29
تاريخ التسجيل : 25/05/2007

مُساهمةموضوع: رد: شهامة عريس   السبت يونيو 21, 2008 6:09 am

الحلقة الثامنه

وافقت علا على تحديد موعد الخطوبه وعقد القران وفى عز فرحه طارق
رن الهاتف !!!!! حاول طارق ان يفهم من المتحدث ولكن كان صوت البكاء هستيرى....... وأخيرا فهم ان المتحدث ساره واغلق سماعه التليفون وارتدى ملابسه بسرعه وحاولت والدته ان تعرف ما المشكله ؟؟؟ من المتحدث ؟؟؟؟
ولكن طارق قال بعدين .. بعدين
وطار طارق الى بيت ساره وصعد السلم بسرعه وطرق الباب وهو يلتقط انفاسه ..... فى ايه يا ؟؟؟ ساره ارتمت ساره فى احضان اخوها وظلت تبكى .... وتبكى وطلب منها طارق ان تهدأ حتى يفهم ما المشكله ؟؟؟ وسألها عن أحمد ؟؟؟
فقالت :

ساب البيت ومشى ..... وواصلت البكاء

حاول طارق تهدئتها واعد لها عصير ليمون بنفسه حتى هدأت تماماً وقال :

أيه مالك بس ؟؟ ممكن تتكلمى براحه ومن غير عياط !!!!!!!!!

- بص بقى أنا خلاص مش عايزاه مش طايقه اعيش معاه انا هلم هدومى وهنزل معاك .....

- تلمى هدومك ايه بس .. وكلام فاضى ايه ؟؟ ساره اعقلى كده ... ولو اى واحده سابت بيت جوزها علشان مشكله بسيطه كان زمان كل البنات قاعدين فى بيت اهليهم اعقلى كده واستهدى بالله وكل مشكله ولها حل إن شاء الله ها ......قوليلى ايه اللى حصل .....؟؟؟

- الست والدته البيه بتدخل فى كل حاجه فى حياتى ... تصور يا طارق ادق تفاصيل حياتنا عندها ولازم تأخد تقرير يومى أكلنا ايه ...؟؟؟ شربنا ايه ...؟؟؟ اشترينا ايه ...؟؟ ده غير نصائحها اليوميه ... أتخنقت خلاااااااااااااااص ولما طلبت منه انه يطلب منها تسيبنا فى حالنا دب معايا خناقه وساب البيت ... أنا .... أنا يسيبلى البيت ويمشى

- طيب اهدى بس ماهو مش معقول يعنى هيروح يقول لوالدته مالكيش دعوه بى ولا بمراتى ؟ أنتِ يرضيكِ ؟؟ يرضيكِ هو يقولك مالكيش دعوه بأهلك ؟ ولا تكلمى مامتك ولا تحكيلها اخبارنا ؟ لو يرضيكِ يبقى معاكِ حق؟؟

- لا طبعاً ما يرضنيش

- طيب ممكن تسيبى الموضوع ده عليه واوعدك ان المسأله مسأله وقت وكله هيبقى تمام .. يا الله ممكن تقومى تغسلى وشك بقى علشان انا عندى ميعاد وعايز اطمن عليكِ قبل لما انزل

وقامت ساره لتغسل وجهها وفى هذا الوقت اتصل طارق بأحمد وطلب مقابلته بعد نصف ساعه
وذهب طارق حسب الميعاد

أهلا أحمد أزيك ؟؟

- الحمدلله ..كويس

- ايه يا ابو حميد مش تعقلوا كده وتحلوا مشاكلكم براحه ؟

- ايوه يا طارق اختك هى اللى بتكبر المواضيع ... عايزانى اطلب من ماما ماتدخلش فى حياتى طيب اعملها ازاى دى ؟

- معاك حق بس علشان حياتك تمشى صح ومن غير مشاكل لازم لما مراتك تكون متعصبه ترخى انت علشان الحياه تمشى فى هدوءءءءء ولا ايه ؟

- أيوه معاك حق أنا عصبى .. وهى كمان عصبيه طيب وبعدين الحل أيه ؟

- الحل بسيط جداً ... هقولك وربنا يقدم اللى فيه الخير ... بص يا سيدى أنت هتكلم مع والدتك فى لحظه صفا كده وتقولها أن فى واحد صاحبك عنده مشكله كبيره جداً وعايز رأيك فيها .....؟؟ وتبدء تحكيلها مشكلتك مع مراتك وشوف ردها وهتدعيلى !!!

- تفتكر ... الحيله دى هتنجح ؟؟

- بقولك هتدعيلى ... يا الله روح لوالدتك دلوقتى واستشيرها وبعد ما تخلص المشكله أنا حجزت تربيزه فى المطعم الايطالى لك ولساره عزومه على حسابك وبرده ابقى ادعيلى !!!!!!!!

وقد كان ذهب أحمد الى بيت والدته ونفذ خطه طارق بالحرف وكان رد فعل الام كما توقعه طارق " أنا يابنى مش قاصده اتدخل فى حياتكم أنا كل اللى يهمنى انى اطمن عليكم وفعلاً انا مزوداها حبتين ولك عليه هبقى فى حالى ورفعت سماعه التليفون واتصلت بساره واعتذرت لها واتفقت معها أن تتركهم فى حالهم وقالت أنها بتحبها جدااااااااااا وبتعتبرها ابنتها الصغيره وربنا اللى عالم لذلك تتعامل معاها كما تعامل ابنتها ومن اليوم ياساره عيشوا حياتكم كما تشاؤن ومن حقكم ان تخوضوا تجارب الحياه بحلوها ومرها "

وطارق اقتبس هذا الحل من موقف الحسن والحسين عندما رأى رجل عجوز يتوضىء بشكل خطأ فأستحيا ان يقولوا له أنه مخطأ فطلبا من الرجل بكل أدب أن يشاهدهما ويحكم من يحسن الوضىء فيهما وفهم الرجل خطأه .....
ورجع أحمد الى بيته ليأخذ ساره ويقضوا الليله على ضوء الشموع ويحيط النيل بهم من كل جانب وكانت ليله ولا الف ليله وفعلاً دعا أحمد لطارق كما وعده .......!!!!!!!!!!!!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عزوز لزوز
محـافظ مجنون
محـافظ مجنون
avatar

عدد الرسائل : 978
العمر : 29
تاريخ التسجيل : 25/05/2007

مُساهمةموضوع: رد: شهامة عريس   الأحد يونيو 22, 2008 2:01 pm

الحلقه التاسعه

تمت الخطوبه وعقد القران
وفى اول زياره بعد الخطوبه أحتار طارق ... ما نوع الهديه التى سيقدمها لعلا ... وكان الود وده ان يشترى لها الدنيا ولو طال نجمه من السماء لاخذها وقدمها لها ....وبعد معاناه قرر ان يذهب الى محل ذهب وطلب صنع تعليقه لسلسله محفوره يأسمه tarek ويقدمها لخطيبته وأشترى سبت ورد على شكل قلب كبيرررررر واختار تصميمه بنفسه فطارق من عشاق الورود وداخل السبت ورد احمر من كل الجوانب وفى نصف السبت مكتوب بالورد الابيض علا و طارق
وكان نفسه يشترى مزيد من الهدايه ولكن الوقت لم يسعفه

" مش معقول اتأخر عن أول لقاء يجمعنا أنا وحبيبتى أيه ده عمرى ما كنت اتصور أنى هقابل أنسانه وأحبها الحب ده كله خلاص مش عايز حاجه من الدنيا أكثر من كده الحمدلله

وأستقل سيارته وذهب الى بيت الاميره علا ...
وجلس مع والدها وتبادلوا الحديث وظل طارق منتظر لحظه خروج ملكته من حجرتها وأخيراً ظهرت وهى فى أشد الخجل وكانت وجنتيها الجميلتان مشربه بالحمره الحقيقيه دون اصباغ ونظر طارق اليها وقلبه يكاد يقفز من بين ضلوعه وسأل نفسه الان صدقت ان هناك حب من اول نظره

طارق : عارفه يا علا اجمل حاجه فيكِ أيه ..؟؟

ابتسمت علا فى خجل

نظره الخجل اللى مابقتش موجوده اليومين دول

فزداد وجهها أحمرار وابتسمت

أيه رأيك فى الورد ده ....

رقيق جداً ...كفايه أن أنت اللى جايبه

ابتسم طارق ومسك بالهديه الاخرى وفتحها فنظرت اليها علا وابتسمت ... دى لازم تفضلى لبساها طول العمر علشان كل الناس تعرف أنك لى

- أنا مش محتاجه سلسله محفور عليها أسمك ... أنت خلاص أسمك محفور فى قلبى

- أيه .. بتقولى أيه .. سمعينى تانى مش مصدق نفسى حاسس انى بحلم
ابتسمت علا

ومرت الايام فى هدووووووووووء
اتفق طارق مع والد علا على ان يتم الزفاف بعد مناقشه الرساله بشهر وتولت علا تجهيزات الشقه لان طارق كان مشغوووووول بالمذاكره وكانت علا تساعده فى جمع كل المواد العلميه التى سوف يحتاجها فى رسالته وقبل مناقشه الرساله بعشر ايام جاء طارق تليفون من صديقه على ..................

طارق: على وحشنى ياراجل

على : أزيك يا طارق من لقى احبابه نسى اصحابه !!!!!!!!!

طارق: لا والله أنا بس مشغول بالمذاكره وتوضيب الشقه وتجهيزات الفرح

على : بالتوفيق وربنا يتمم لك بخير

طارق: مال صوتك يا على

على : لا ابداً مافيش حاجه

طارق: أزاى بقى هو أنا مش عارفك .... أنت لسه مخنوق وعايز تغير جو مش كده

على: لا ماتحطش فى بالك أنت فاضلك عشر ايام على المناقشه

طارق: وأنا جاهز للمناقشه ومحتاج الرحله دى جدااااا

على: بجد يا طارق؟

طارق: بجد

على: طول عمرك يا طارق بتضحى علشان سعاده اللى حواليك حتى لو كان على حساب مصلحتك

طارق: ماتقولش كده يا ابو على أذا مكناش نقف احنا جنب بعض مين هيقف جانبنا؟ حضر نفسك هنسافر بعد بكره أن شاء الله علشان بكره مش هينفع لانى لازم اروح لعلا

على: طيب خلاص سلام

وبمجرد أن وضع طارق السماعه اتصلت علا

علا: " بعصبيه "كل ده التليفون مشغول ليه ؟؟ بتكلم مين؟؟

طارق: طيب قولى سلام عليكم الاول

علا: جاوووووووووب كنت بتكلم مين ؟

طارق : وحشتينى
علا: ماشى بتهرب من السؤال؟

طارق: " بصوت منخفض" لا ياستى انا بحب اغيظك علشان اشوفك بتحبينى وبتغيرى عليه .. وعموماً ده على
علا: مممممممممم

طارق: أنا هسافر بعد بكره ان شاء الله يومين تغيير جو

علا: هتسافر وتسبنى ؟؟

طارق: أنا مسافر داخل البلد ... مالك اتخضيتى كده ؟ هو أنا رايح أحارب؟ وبعدين عايزه تفهمينى انى هوحشك

علا : " ممممممممم " منكرش أنى بشتقلك وساعات كثيره بحتاجلك
ونبضى بينده قلبك
وحياتى بتحيا فى قربك
أسأل عنيه تجوبك
أنا ليه دايماً بشتقلك ؟؟؟


طارق: ايه ده .. شعر لالالالالا ولمين لى أنا

علا: فى خجل .. طبعاً امال لمين


طارق: " بحنان" ما أنا هبقى معاكِ بالتليفون وهكلمك كل شويه بس انتِ ما تصدعيش منى .... هاجيلك بكره
علا: هستناك
.
.
.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Banbino
محـافظ مجنون
محـافظ مجنون
avatar

عدد الرسائل : 6055
العمر : 29
Localisation : الاسكندرية
تاريخ التسجيل : 11/02/2008

مُساهمةموضوع: رد: شهامة عريس   الإثنين يونيو 23, 2008 1:30 pm

يا حنين


الى بعدو يا مان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahmedfawzy202.piczo.com/Pics?cr=3&linkvar=000044
عزوز لزوز
محـافظ مجنون
محـافظ مجنون
avatar

عدد الرسائل : 978
العمر : 29
تاريخ التسجيل : 25/05/2007

مُساهمةموضوع: رد: شهامة عريس   الإثنين يونيو 23, 2008 5:31 pm

الاخيره
قبل السفر بيوم

وصل طارق الى بيت علا واستقبله كالعاده والد علا

الاب: أهلاً طاروقه نورت

طارق: ده نورك ياعمى.....هى علا فين ؟؟؟

الاب: جايه دلوقتى تعالى عايزك فى موضوع يا طروقه

طارق: خير يا عمى ؟

الام: علا طارق قاعد بره يا الله علشان تطلعى
علا : طيب هو قاعد لوحده


الام: لا ماتخافيش باباكى استلمه

علا: ماما أرجوكى بابا مش بيديلى فرصه اتكلم معاه خالص

الام: طيب هتصرف اطلعى انتِ بس يا الله

علا: وهى ترتدى اجمل الثياب : مساء الخير

طارق: مساء النور

الاب: مساء النور.... وبعدين بقى يا طروقه راح جاى اثنين طوال عراض..... وبيكمل الحديث

الام: يا أبو علا...ممكن تيجى ثوانى

الاب : عن اذنك يا طروقه انت مش غريب 3 ثوانى وهرجعلك

طارق: لا براحتك يا عمى

وذهبا الاب والام وترك باب الصالون مفتوح

طارق: وحشتينى

علا: فى صوت حزين " وانت كمان "

طارق: مالك ... ؟

علا: ابداً

طارق: هو انتِ لسه زعلانه انى هسافر

علا: بصراحه ايوه .. أصل ما تعودتش انك تبعد عنى حتى لو ماكناش فى بيت واحد .. كفايه أنى أحس أنك قريب منى وفى اى لحظه هحتاجك هتكون عندى فى ثوانى

طارق: ما أنا هبقى جانبك برده ودايما هبقى حاسس بيكِ من غير ما يكون حتى فى بيننا تليفونات هبقى سامع انتِ بتفكرى فى ايه ؟؟ وعايزه ايه؟؟؟

وبعدين صديقى فى أزمه ولازم اقف جانبه ...

علا: فى تنهيده .... طيب

طارق: علا لو يرضيكى اتخلى عنه خلاص مش هسافر

علا: لا خالص بس طمنى عليك كل دقيقه واوعى تقفل الموبايل واوعى عينك تروح كده ولا كده

ابتسم طارق

علا : هترجع أمتى ؟؟

طارق: صمت لفتره طويله .... وتنهد .... ربنا يسهل

ودخل ابا علا : معلش يا طارق كان البوتاجاز معلق

طارق: ابتسم ابتسامه عريضه :ولا يهمك ياعمى أستأذن أنا

الاب: ما بدرى يا ابنى ماكملناش كلامنا

علا: خليك شويه يا طارق

طارق: معلش لازم أروح علشان اسلم على ماما لانها بتنام بدرى وأنا هطلع بكره بدرى ومش عايز اصحيها

وقام الاب ليوصل طارق الى الباب ولكن جاء له تليفون وسلم على طارق وقال لعلا وصلى خطيبك ....

وعند الباب: نظر طارق إلى علا نظره لهفه ... وشوق .. وحب..

وحنان ... ووداع .. عيناه كانت مليئه بالدموع

علا : طارق .... أنا

طارق : قاطع كلامها ... هتوحشينى ... خالى بالك من نفسك

علا: وأنت كمان خلى بالك من نفسك طمنى اول ماتوصل

طارق: أن شاء الله ... وظل ينظر لها كأنه مش عايز يمشى

علا : لا اله الا الله طارق: ..... محمد رسول الله


يوم السفر
أستيقظت أم طارق على حلم مزعج ولم تسطيع مواصله نومها " الله ما أجعله خير " يارب سلم
طارق : ايه اللى مصحيكى بدري يا ست الكل ؟؟؟

والدته : حلمت خير الله ما اجعله خير بحلم مضايقنى قال ايه ...
طارق : قاطع كلام والدته...... لو حلم مش حلو بلاش تحكيه وان شاء الله خير

خلى بالك من نفسك يا أمى وقولى لساره ان جوزها أبن حلال وتحطه فى عينيها ولازم تبقى عاقله وتتحمل المسئوليه

والدته : فى استغراب ... أه والله الولد زى الفل ربنا يكرمه ويهدى سرهم

طارق: قبل يد أمه .. خلى بالك من علا يا أمى

لازم انزل يا امى علشان ما تأخرش على على

الام : فى أمان الله يا ابنى ابقى طمنى عليك


فى طريق السفر:

طارق: على ممكن تسوق انت لانى مش مركز

على : تحت امرك يا طارق

وطوال الطريق وهو شارد بعيداً

على : مالك يا طارق ؟؟؟

طارق: ابدا مافيش حاجه

وصلا الى الفندق ووضعوا حقائبهم ومازال طارق شارد واول ما قام به فتح حقيبته واخذ المصحف وظل يقرأ بصوت عالى ويبكى وعلى فى غايه الاستغراب !!!!!!!!!!!

وبعد ما انتهى من القراءة : اتصل بوالدته وقال لها انا وصلت يا امى .. حبيت اطمنك عليه أنا كويس جداً هنا .. ومبسوط جدا ... حاسس بأمان عمرى ما حسيت به

الام : ربنا يسعدك

واتصل بعلا :
طارق: وحشتينى ... وهتوحشينى

علا: وانت كمان ... وفى لهفه " أرجع بقى ...

طارق: صمت لفتره ... حتى تخيلت علا ان الموبايل فصل ..

علا : طارق

طارق: أن شاء الله

علا : طارق: خلى بالك من نفسك
طارق: ما تقلقيش أنا كويس جدا شويه كده وهنزل اقعد على البحر مع على

أقولك سلام
علا: سلام ... طارق... هتكلمنى تانى بالليل

طارق: ....... صمت لفتره .......حسب الظروف

علا : يعنى أيه ؟؟
طارق: ربنا يسهل مع السلامه

وعلى الشاطىء
طارق: ايه ده البحر عالى جدا النهارده

على : فعلا انا مش هنزل النهارده

وجلسا يتبادلا الحوار
طارق: تعرف يا على ساعات بحس أن الواحد بيحمل الامور أكثر من اهميتها وبيحرق دمه على الفاضى .. واتضح لى ان الدنيا ما تستهلش وكل شىء مكتوب ولازم كل أنسان يرضى بقدره ويبقى مبسوط بحاله مهما كان ودايما يبص للى أقل منه علشان يحس أنه فى نعمه وماحدش بيأخد معاه حاجه

على : معاك حق والله يا طروقه ما فيش حاجه تستاهل

واثناء الحديث سمعا صوت صراخ عالى فهرولا ليرى ما المشكله
واذ بطفل يغرق وفرق الانقاذ جاءت ولم يشعر طارق بنفسه الا وهو فى صراع مع الامواج وانتشل الطفل ووضعه فى قارب النجاه وحاول ان يصعد الى القارب ولكن كانت الامواج عاليه وظلت فرق الانقاذ تبحث عنه .

فى بيت علا

كانت علا تجهز السفره وسقطت الاطباق من يديها واذا بها تسارع لتبحث عن تليفونها المحمول للتتصل بطارق " جرس ........ " ازداد قلق علا فأتصلت بعلى ...

علا : طارق مش بيرد على التليفون ليه؟؟

على : انسه علا .. اصل

علا : أصل ايه .. ارجوك طارق حصله حاجه

على : طارق نزل ينقذ طفل من الغرق ومش لاقينه وفجأه سقط الهاتف من يد على

علا: الووووووووووووووووووووووووووووو

و على الشاطىء
لم يطل البحث لان الامواج جرفت طارق على الشاطى بعد ان فارق الحياه

أزاى هقدر انــــــــــــــــــــــــــــسالك
ده أنا عمرى كله فـــــــــــــــــــــــداك
والدنيا ونعيمها ما تساوى لحظه معاك

تمت بحمدالله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Banbino
محـافظ مجنون
محـافظ مجنون
avatar

عدد الرسائل : 6055
العمر : 29
Localisation : الاسكندرية
تاريخ التسجيل : 11/02/2008

مُساهمةموضوع: رد: شهامة عريس   الإثنين يونيو 23, 2008 6:27 pm

تمام يا مان

جميلة جدا

انا كنت عاوزها تطول شوية لكن تمام


تقبل مرورى وشكرى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahmedfawzy202.piczo.com/Pics?cr=3&linkvar=000044
همسة محمد
محـافظ مجنون
محـافظ مجنون
avatar

عدد الرسائل : 6423
العمر : 27
تاريخ التسجيل : 26/12/2007

مُساهمةموضوع: رد: شهامة عريس   الثلاثاء يونيو 24, 2008 3:07 pm

اية دا مات

مات لا بجد حرام عليك يا زيزو

انا اكتر حاجة تدايقنى النهايات الحزينة ... ياربىىىىىى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عزوز لزوز
محـافظ مجنون
محـافظ مجنون
avatar

عدد الرسائل : 978
العمر : 29
تاريخ التسجيل : 25/05/2007

مُساهمةموضوع: رد: شهامة عريس   الثلاثاء يونيو 24, 2008 9:17 pm


شكرا على ردودكم وحادورلك على مسلسلات نهايتها مش حزينة واستنو المزيد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
همسة محمد
محـافظ مجنون
محـافظ مجنون
avatar

عدد الرسائل : 6423
العمر : 27
تاريخ التسجيل : 26/12/2007

مُساهمةموضوع: رد: شهامة عريس   الأربعاء يونيو 25, 2008 7:50 pm

ازاى مش حزينة وهو مات يا زيزو بس والله زعلت جدا

طيب هات الى بعد كدا عاوزة اعرف اية هيحصل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ملك
عامة الشعب
عامة الشعب
avatar

عدد الرسائل : 34
تاريخ التسجيل : 18/07/2008

مُساهمةموضوع: رد: شهامة عريس   الجمعة يوليو 18, 2008 12:00 pm

بجد من دون اي مجاملات اسلوبك جااااااااااااااااااااااااااااامد موت ومليئ بالتشويق علي الرغم ان الموضوع بالنسبالي مختلف لاني عضوة جديده فقريت الحلقات كلها وراء بعض يعني مش كنت بستني الحلقه اللي جايه وعلي الرغم من كده كنت متشوقه جدا علشان اعرف اللي هيحصل وفي الاول كان نفسي تكون القصه دي حقيقيه لان من الرائع انه يكون في اتنين رومانسيين للدرجه دي ومرتبطين ببعض ذي طارق وعلا بس بعد مشفت النهايه اتمنيت ان القصه تكون خياليه لاني انا كمجرد قارئه للقصه بكيت لما عرفت بموت طارق فمابال علا بس بجد قصه رائعه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شهامة عريس
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دولـــــــة عيـــــال مجنونـــــــة :: -(( الصحافة المدرسية للناس المهلبيــة ))- :: قصص ومسلسلات يوميــة-
انتقل الى: