دولـــــــة عيـــــال مجنونـــــــة

دولــــــة عيـــال مجنونـــــــة
 
الرئيسيةالبوابةس .و .جبحـثالتسجيلقائمة الاعضاءالمجموعاتدخول

شاطر | 
 

 حسنـــاء القطار .. حلقات رومانسية متجددة

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3  الصفحة التالية
كاتب الموضوعرسالة
The President
رئيس الدولــة
رئيس الدولــة


عدد الرسائل : 1589
تاريخ التسجيل : 05/04/2007

مُساهمةموضوع: حسنـــاء القطار .. حلقات رومانسية متجددة   الجمعة مايو 23, 2008 2:03 pm


( حسناء القطـار )

الحلقة الاولى

كاد القطار أن يفوتنى .. ولحسن الحظ لحقت به بعدما تلقيت كما هائلا من السباب ممن اصطدمت بهم أثناء محاولتى اللحاق بالقطار ... بعدها وجدت مكانا خاليا فاسرعت اليه وجلست أجفف عرقى والتقط انفاسى ...

حتى أصاب السكون انفاسى حين فوجئت بحسناء فى اوائل العشرينات من عمرها ذات شعر اسود داكن تجلس امامى ودموع عينها تسيل ... فدار فى خاطرى أى شئ يدمع عينى تلك الحسناء ؟ .. فجمالها لايعرف طريقا للبكاء ... الفرح ينتظر منها نداء , ورقتها للمجروحين دواء ...

لا اعلم كيف نطقت شفتاى بتلك الكلمات الرومانسية حين رأيت تلك الفتاة
بعدها لم يمنعنى فضولى من سؤالها عن سبب بكائها .. فنظرت اليها وقلت فى دعابة:
- اكيد هو اللى غلطان .. كان لازم تسيبيه من الاول ..
نظرت الى لكنها لم ترد .. فاصابنى الحرج والتزمت السكوت .. وفضلت ان اتأمل جمالها دون ان اتحدث

فوجئت بها توقف بكاءها وتحدثنى :
- أنا امنيتى انى أموت
فوجدتها فرصة لحديث أضيع به ملل الطريق وقلت :
- تموتى .. حد يتمنى الموت وخاصة لو ربنا اداه الجمال ده كله ؟!
هزت رأسها فى احباط و اكملت :
- أنا ببكى لأنى استعدت ذاكرتى مرة اخرى
اندهشت ثم اشرت لها أن تكمل

اكملت :- أنا للأسف افتكرت كل حاجة حصلت لى فى حياتى ... الناس كانوا دايما يقولو لى أنى جميلة الجميلات حتى وقعت فى غرام شاب , و أصبح كل حياتى واصبحت كل حياته وتخليت عن كل شئ فى سبيله ...
ابتسمت وقلت :
- جميل ... كملى (فأنا مستمع حتى الان )
اكملت :- انت عارف ضعف البنت مهما كانت جميلة وفى يوم طلب انه يقابلنى.. وبعدما وافقت أصبت بحادث فى طريقى اليه... وهنا فقدت الذاكرة ...
اكملت :
- بقيت سنة فاقدة للذاكرة .. مش فاكرة أى حاجة ولا أى حد يعرفنى .. كانت أيام ربنا العالم بيها ومع ذلك كنت صابرة وكل ما تعدى الليالى أقول أنها عابرة ..

كانت تلك الفتاة على درجة عالية من لباقة الحديث حتى اكملت :
- حتى جاء الوقت واستعدت ذاكرتى
هنا تنهدت وقلت :- الحمد لله .. عدينا الجزء المحزن
اكملت : - استنى ..... أنا استعدت الذاكرة وافتكرت كل حاجة .. و حبيت أعود لأهلى وهنا كانت الصدمة .. فوجئت أن الشاب اللى كنت بحبه اتجوز أختى ... وقتها اوحيت لأهلى أنى مازلت لا اتذكر شئ ... لكننى احسست بصدمته حين وجدنى .. وكانت نظراته لى نظرات غريبة فخفت أن أختى تحس و تفتكرنى بخونها ..

قلت :- اه و بعدين ..
اكملت :- أصبحت قدام اختيارين .. أنى اكون طول عمرى فاقدة للذاكرة و احافظ على حياة أختى .. او أنى اهرب وامتلك ذاكرتى ...وهنا فضلت الهروب .. ثم صمتت مجددا ..

وقتها كنت فى حيرة عندما سمعتها .. فكم هى مشكلة معقدة لم اقابلها من قبل و تحتاج الى التفكير على مهل ... فأنا لا أرضى لها الهروب ولا أريد لها العذاب .. حتى جاءت محطتى التى كنت اقصدها ..لكننى لم اغادر مقعدى وبقيت مكانى وفضلت ان ابقى معها .... حتى تحرك القطار مرة اخرى ..

_________________


عدل سابقا من قبل The President في السبت أكتوبر 18, 2008 12:53 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Cute Girl
محـافظ مجنون
محـافظ مجنون


عدد الرسائل : 418
تاريخ التسجيل : 14/04/2007

مُساهمةموضوع: رد: حسنـــاء القطار .. حلقات رومانسية متجددة   الجمعة مايو 23, 2008 5:18 pm


قصة شكلها جامد وهتبقى مليانة غموض ورومانسية
وانا عن نفسى بحب القصص ديه جدا
ياترى البنت الجميلة ديه هتتصرف ازاى فى قرارها الصعب ده
ميرسى يا بريتنى على الحلقة الأولى
عايزين بقى بقية الحلقات علشان نعرف ايه اللى هيحصل بعد كده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ar2mlaak
محـافظ مجنون
محـافظ مجنون


عدد الرسائل : 2515
تاريخ التسجيل : 09/04/2007

مُساهمةموضوع: رد: حسنـــاء القطار .. حلقات رومانسية متجددة   الجمعة مايو 23, 2008 7:28 pm

مممممممممممممممممممممممممممم

صعب جدا يا عينى الى هى فيه ده
ومين اختها
يالا مهزله القدر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عزوز لزوز
محـافظ مجنون
محـافظ مجنون


عدد الرسائل : 978
العمر : 29
تاريخ التسجيل : 25/05/2007

مُساهمةموضوع: رد: حسنـــاء القطار .. حلقات رومانسية متجددة   الجمعة مايو 23, 2008 9:43 pm


شلكها قصة رومانسية يا ريس ومشوقة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Banbino
محـافظ مجنون
محـافظ مجنون


عدد الرسائل : 6055
العمر : 28
Localisation : الاسكندرية
تاريخ التسجيل : 11/02/2008

مُساهمةموضوع: رد: حسنـــاء القطار .. حلقات رومانسية متجددة   السبت مايو 24, 2008 12:23 pm

تمام تمام

كمل يا BOSS
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahmedfawzy202.piczo.com/Pics?cr=3&linkvar=000044
The President
رئيس الدولــة
رئيس الدولــة


عدد الرسائل : 1589
تاريخ التسجيل : 05/04/2007

مُساهمةموضوع: رد: حسنـــاء القطار .. حلقات رومانسية متجددة   السبت مايو 24, 2008 1:03 pm


الحلقة الثانية

فوجئت بأنه لم يعد فى القطار غيرنا ... اما أنا فنسيت الى أين كانت وجهتى.. فابتسمت وسألتها :
- انتى ناوية تروحى فين ؟
سكتت الفتاة ثم ردت
- انا ...... مش عارفة .. أى مكان .. المهم انى اهرب وبس
- يعنى انتى مش راحة مكان معين ؟
سقطت عيناها الى الارض وهزت راسها وقالت بصوت خافت :
- لا

احسست بالجحيم الذى تتجه اليه تلك الفتاة ومدى التضحية التى تقوم بها من اجل حياة اختها ...
فكرت للحظات دار فيها صراع مع نفسى هل ادخل ذلك المعترك ام اتركها للقدر يفعل بها ما يشاء ؟ ...
حتى نطق لسانى دون تفكير :
- تيجى معايا لحد مانلاقى حل لمشكلتك ؟

احسست بنظرات الشك فى عينيها والتمست له العذر فهى لاتعرفنى الا من وقت قليل لايتعدى ساعات ..
" انا اعرفك منين ؟.. مش معنى اننا اتكلمنا وانى فضفضت لك .. انى اسلمك نفسى ": قالتها الفتاة بابتسامة ساخرة ..
احسست بالحرج وقتها .. فلم يكن قصدى سوى خير لها .. ومع ذلك مازلت التمس لها العذر ..
- لا ... تسلمينى نفسك ايه ... انا اسف انى طلبت منك الطلب ده .. بس انا قصدى خير وانا اسف ..

بعدما رفضت ادركت أنه لم يعد بأيدى وسيلة اساعدها بها ... ونويت أن اتركها ثم اخرجت كارت خاص بى واعطته لها :
- ده الكارت بتاعى فيه رقمى .. اطلبينى لو احتجتينى ..... و هممت للذهاب
نظرت الفتاة الى الكارت وقرأت مابه ثم نظرت الى وقالت :
- انت دكتور ؟!
اجبت :- ايوة طبيب .. بس لسة فى بداية حياتى .. و أنا تحت امرك لو احتجتى منة اى حاجة ...
بعدها حملت حقيبة يدى وودعتها .. وبعد خطوات قليلة سمعت صوتها
:- دكتور حازم ... انت ساكن لوحدك ؟
وقفت مكانى والتفتت اليها وفى ابتسامة :
- لا .. أنا ساكن مع أمى .. و أمى دمها شربات .. واحلى ست فى الدنيا
ثم حملت حقيبتها وابتسمت :
- هو بيتكم بعيد ؟

هنا ادركت أنها وافقت ان تأتى معى .. وللحقيقة كانت مفاجأة لى .. فكان طلبى لها بالمجئ معى تسرع منى .. ولكن هل وثقت بى أم أنها قالت اننى كغيرى ؟ .. و ربما اكون افضل العواقب السيئة التى تنتظرها .. ومع ذلك كان تفكيرى الوحيد أنى اساعدها واحميها من قدرها المجهول ..

خرجنا من محطة القطار .. وبعد صعوبة وجدنا سيارة لتذهب بنا الى بيتى ..وفى الطريق لم تكف عن الكلام
- انت لسة معرفتش اسمى
- انا اسمى نور .. خريجة معهد سياحة وفنادق .. وعندى تلاتة وعشرين سنة
ثم تكمل:
- انت خاطب ولا متجوز ؟
وانا ابتسم واستمع لها
وتكمل : هو انت كان نفسك تكون دكتور ؟

وظلت تتحدث وتتحدث وانا استمع .. وكان اكثر مايفرحنى أنها تحولت من الحزن والالم الى تلك الابتسامة الجميلة .. فكم هى جميلة عندما تضحك حتى اننى كنت اسال نفسى وهى تتحدث :
- ازاى بنت جميلة كدة يكون عندها الهموم دى كلها ؟

دخل علينا الليل ومازلنا فى طريق العودة لبيتى .. ويبدو أن نور كانت فى قمة الارهاق والتعب حتى أنها لم تستطع مقاومة تعبها .. و ادركت ذلك حين وجدت رأسها قد مالت على كتفى وغلبها النوم وشعرها الناعم يتدلى على وجهها .. فكم كانت بريئة كملاك .. حتى أنى خفت أن اهتز فتصحو من نومها ..فتركتها نائمة , وبقيت افكر فى مستقبل تلك الفتاة وكيف تستقبلها أمى ..
حتى نظر الى السائق يريد ان يتحدث .. فأشرت له بأصبعى أن يصمت فانى أخاف أن يوقظ هذا الملاك النائم .....


والبقية تأتى .. انتظرونا فى الحلقة القادمة من حسناء القطار

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Banbino
محـافظ مجنون
محـافظ مجنون


عدد الرسائل : 6055
العمر : 28
Localisation : الاسكندرية
تاريخ التسجيل : 11/02/2008

مُساهمةموضوع: رد: حسنـــاء القطار .. حلقات رومانسية متجددة   السبت مايو 24, 2008 1:11 pm

سياحة وفنادق ؟ ناقص تقولو قسم ارشاد سياحى

ههههههههههههههههههههههههههه

مستنيين البقية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahmedfawzy202.piczo.com/Pics?cr=3&linkvar=000044
عزوز لزوز
محـافظ مجنون
محـافظ مجنون


عدد الرسائل : 978
العمر : 29
تاريخ التسجيل : 25/05/2007

مُساهمةموضوع: رد: حسنـــاء القطار .. حلقات رومانسية متجددة   السبت مايو 24, 2008 1:53 pm


يا ريس قول للمخرج يخلي مدة الحلقة اكتر من كدة لانها قصة مشوقة

ومستين الباقي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
همسة محمد
محـافظ مجنون
محـافظ مجنون


عدد الرسائل : 6423
العمر : 26
تاريخ التسجيل : 26/12/2007

مُساهمةموضوع: رد: حسنـــاء القطار .. حلقات رومانسية متجددة   الأحد مايو 25, 2008 4:36 pm

هههههه اية التطورات دى

حلوة اوى يا رئيس القصة دى بس بجد مفيش حد طيب كدا فى الزمن دة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
The President
رئيس الدولــة
رئيس الدولــة


عدد الرسائل : 1589
تاريخ التسجيل : 05/04/2007

مُساهمةموضوع: رد: حسنـــاء القطار .. حلقات رومانسية متجددة   الأحد مايو 25, 2008 9:14 pm


الحلقة الثالثــــة

لم تستطع نور مقاومة ارهاقها , وغلبها النعاس ونامت على كتفى .. حتى اقتربنا من البيت فطلبت منها أن تصحو .. فأفتحت عيناها :
- أنا نمت ... أنا اسفة .. أنا كنت مرهقة جدا ..
فنظرت اليها وقلت:
- دلوقتى تنامى براحتك .. انشالله تنامى اسبوع

نزلنا من السيارة .. وكم كنت أرى نظرات جيرانى وهم يحدقون فى نور ... ومعهم كل الحق , فربما تلك هى المرة الأولى التى يرون فيها فتاة بذلك الجمال ..

صعدنا سلم البيت وطرقت الباب .. وهنا فتحت أمى .. وكما توقعت اندهاشها حين رأت نور , حتى أنها التزمت الصمت و كأنها تقول من تلك الجميلة التى أتى بها ابنى الوحيد ؟ ..

حينها قطعت هذا الصمت حين اخبرتها أن نور ستحل ضيفة عندنا لبعض الوقت .. وكعادتها أمى رحبت بها ترحيبا كثيرا .. فكم تثق في أمى .. أو ربما استطاعت نور برقتها وجمالها أن تجعل أمى تقابلها بكل هذا الحنان .. وتحتضنها احتضان الأم لابنتها ...

قلت لأمى فى دعابة :
- احنا ميتين من الجوع .. شوفى بقى هتأكلينا ايه ..
أمى : بس كدة من عينيا ..
تناولنا العشاء .. بعدها تركت نور لتخلد للنوم من عناء ذلك اليوم .. بينما جلست اسرد لأمى قصة تلك المسكينة :
- ........................... وهى دى حكايتها ..
امتصت أمى شفتيها وقالت :
- ياه دى مسكينة فعلا .. بس انت هتعمل ليها ايه ؟
نظرت اليها وأنا اتثاءب :
- اللى فيه الخير يقدمه ربنا ... أنا حبيت اعمل خير وبس..
اكملت : أنا هقوم أنام لأنى مش قادر

مر الليل لا اعلم هل نامت حقا ام جاءها ذلك الأرق الذى لم يتركنى الا للحظات كل حين ... حتى استيقظت فوجدتها تجلس مع أمى .. ويتحدثان كأنهما يعرفان بعضهما منذ سنوات ... شاهدتهما من بعيد .. فكانت اكثر جمالا بعدما تخلصت من الارهاق والتعب .. وحين رأتنى خرجت منى ابتسامة لاارادية فردت بابتسامة جميلة .. بعدها تناولنا الافطار وتعمدت الا اتحدث معها فى ماضيها المؤلم

مرت بضعة ايام ... و أنا افكر كيف اساعدها فى محنتها .. ولا اعلم لماذا يزداد خوفى كلما مرت تلك الايام ... حتى جاء اليوم حين عدت من عملى فوجدت امى ونور منهمكتان حتى انهما لم يردا سلامى ..

فقلت مندهشا :- انتو بتعملو ايه ؟
امى : تعالى اتفرج معانا .. ده البوم صور نور

نظرت الى نور :- بجد
نور : دى الحاجة الوحيدة اللى اخدتها من ذكرياتى ..
قلت : طيب اتفرجو براحتكم .. وانا اشوفه بعدين ..

بعدها واصلتا مشاهدة الصور .. وانا اجلس بجوارهما اتصفح احدى المجلات وتختطف عينى بعض صور نور احيانا .. حتى لمحت صورة بطرف عينى وسمعت نور تقول لامى :
- دى صورتى أنا واختى ..

دققت النظر وقتها بالصورة .. بعدها زادت دقات قلبى .. وأحمرّ وجهى .. اننى قابلت من تقول أنها اختها من قبل .........

كانت المفاجأة أننى اعرف وجه من تقول نور أنها اختها .. ولكننى لا اتذكر أين قابلتها .. فأنا طبيب واقابل اشخاص لا حصر لهم .. ولكننى متأكد اننى قابلتها من قبل ...

تغيرت ملامحى من الصدفة والمفاجأة ... ولكنها سرعان ماتحولت الى قلق حين سمعت أمى فى اعياء شديد:
- اه ... اه ... الحقنى ياحا ..... ثم سقطت مغشيا عليها ..

انتفضت من مقعدى واسرعت اليها ...وصرخت فى نور من القلق:
- عندك رقم تليفون المستشفى .. اطلبيه بسرعة
بينما بقيت انا اتفحص أمى ... وأنا اعلم أنه نتيجة اصابتها بمرض السكرى ......


_________________


عدل سابقا من قبل Britney_Spears في الإثنين مايو 26, 2008 1:57 pm عدل 3 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حلوه اوي
محـافظ مجنون
محـافظ مجنون


عدد الرسائل : 5198
العمر : 31
تاريخ التسجيل : 04/04/2007

مُساهمةموضوع: رد: حسنـــاء القطار .. حلقات رومانسية متجددة   الأحد مايو 25, 2008 10:04 pm


ايه الي حصل
ايه الي حصل
ايه الي حصل
بسرعه بقى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عزوز لزوز
محـافظ مجنون
محـافظ مجنون


عدد الرسائل : 978
العمر : 29
تاريخ التسجيل : 25/05/2007

مُساهمةموضوع: رد: حسنـــاء القطار .. حلقات رومانسية متجددة   الأحد مايو 25, 2008 10:52 pm


ايوا يا ريس ايه الي حصل بسرعة قلنا قبل لا امو يحصلها حاجة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
السواح
محـافظ مجنون
محـافظ مجنون


عدد الرسائل : 2133
العمر : 26
تاريخ التسجيل : 18/04/2008

مُساهمةموضوع: رد: حسنـــاء القطار .. حلقات رومانسية متجددة   الإثنين مايو 26, 2008 8:21 am

قول انا معاك يا معلم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
The President
رئيس الدولــة
رئيس الدولــة


عدد الرسائل : 1589
تاريخ التسجيل : 05/04/2007

مُساهمةموضوع: رد: حسنـــاء القطار .. حلقات رومانسية متجددة   الإثنين مايو 26, 2008 4:32 pm


الحلقة الرابعة

انتقلت أمى الى المستشفى لكنها لم تمكث هناك ... وعادت للبيت واصبحت حالتها اكثر استقرار ... وكم تعبت نور طوال تلك الفترة فلم تترك أمى لحظة واحدة .. وخففت عنى متاعب كثيرة لم اكن لاحتملها بمفردى ...

تمر الايام وتزداد العلاقة بينى وبين نور .. ويزداد حب والدتى لها ... حتى أنى كنت بجوار والدتى ذات يوم ... ودخلت نور :
- قوم انت يا دكتور نام عشان عندك مستشفى الصبح ..
نظرت اليها فى ابتسامة :
- ايه دكتور دى .. انا حازم وبس
ابتسمت نور :
- طيب قوم لأنك لازم ترتاح ..
اكملت :
- لا .. أنا هخلينى جمبها ونامى انتى ... انتى تعبتى اوى معانا .. ومش عارف اشكرك ازاى ...
نور : انا .. تشكرنى ..امال أنا اعمل ايه معاكم .. ؟
وضعت امى يدها على كتف نور :
- قوم انت ياحازم وسيب معايا نور ...

بعدها تركتهما ولم أنم و بدأت افكر ... هل بدأ قلبى يخفق ويدق لاول مرة .. ام انه اعجاب بجمالها وسينتهى بعودتها لاهلها ..؟

احسست بنظرات نور تلاحقنى .. يبدو أنها اصيبت بما أصابنى من نار الحب .. حتى امى قد لاحظت ذلك .. وشعرت بفرحتها فقد نالت نور ثقتها ..
اما أنا .. فأصبحت نور مسيطرة على تفكيرى واصبحت صورتها لاتفارق خيالى .. وتأكدت أننى بدأت احبها واشعر انها تحبنى ...

تتوالى الايام , يوم تلو الاخر .. حتى جاء يوما ممطرا فعدت الى البيت متأخرا كعادتى من عملى ... وملابسى مبتله من المطر ... فوجدت نور فى انتظارى
فقلت لها مندهشا :
- انتى لسة صاحية فى البرد ده يا نور ؟
ردت بابتسامتها الجميلة :
- انا قلت استنى عشان احضر لك العشا ... او تحتاج اى حاجة ..
ابتسمت لها:
- بعد كدة بلاش تتعبى نفسك .. وسيبى العشا فى المطبخ .. ونامى انتى ..
ردت نور فى غضب مستتر:
- اطمن انا مش تعبانة .. قوم انت غير هدومك على اما احضر العشا ...

قامت نور واحضرت العشاء وجلسنا لتناوله .. بعدها سألتنى :
- انت بتحب الموسيقى ؟
فضحكت :- طبعا .. هو فيه حد ميحبش الموسيقى ؟!
اكملت نور :
طيب انا هسمعك موسيقى انا بحبها جدا .. وانت كمان اكيد هتحبها ..
ثم قامت نور بتشغيل موسيقى رومانسية هادئة لم اسمعها من قبل
نظرت الى نور
: جميلة اوى الموسيقى دى
نور : دى مقطوعة ( السراب والحب ) .. انا بحبها وبسمعها كتير اوى ..

بدأنا فى تناول العشاء فى جو لم اعشه من قبل .. حتى فوجئت بنور تسالنى دون مقدمات :
- انت حبيت قبل كدة
ابتسمت من جرأة السؤال : - أنا .... لا
نور : ليه ؟
اكملت : يعنى مكنتش لاقى اللى تخلينى احبها ..
نور : طيب هو انت حاطط لحبيبتك مواصفات خاصة ؟
اكملت : يعنى زى أى بنت الشاب بيتمناها ... جميلة.... رقيقة ..... محترمة ....
ونظرت الى عيناها وتلاقت عينانا فى هذا الجو الرومانسى
نور : كمل ..
ضحكت : يعنى ..شعرها اسود حلو كدة

خجلت نور .. وأحمرّ وجهها .. وادركت أننى اتحدث عنها
وهمت للوقوف : انا هقوم اعمل لك الشاى عشان تدفى نفسك ..

جرت الى المطبخ .. بينما جلست أنا افكر فيها ... نعم أننى احبها ... حتى نور تركت الشاى وظلت تراقبنى من المطبخ .. وانا اتأملها ..

حتى احضرت الشاى وجاءت .. وظهر عليها اضطرابها .. حتى تعثرت فجأة وسقطت ... ومعها الاكواب الزجاجية التى كـسرت واصابت يدها اليسرى .... سقطت منها الدماء بغزارة فاسرعت اليها اقوم بتطهير جرحها واضمده .. وهى لا تنظر الى يدها بل تنظر الىّ .. والموسيقى الرومانسية فى ذروتها ... وأنا منهمك فى جرحها ... حتى انتهيت

فقبلتنى نور .....

كانت قبلة نور مفاجأة لى .. حتى أننى لم احرك ساكنا بعدها .. وظللت هائما ..
نور وهى تنظر الى الارض :
- انا اسفة ثم صمتت .. وجرت الى حجرتها مسرعة

اما أنا فمازلت هائما .. استمع الى موسيقى ( السراب والحب ) الرومانسية ..لا اشعر ببرودة الجو .. وانظر الى المطر الغزير خارج الشرفة :
- أيوة .. بتحبنى ... أيوة .. بحبها ...

بعدها حاولت أن اقرأ بعض الكتب.. لكننى لم استطع قراءة أى شئ ... وظل ذهنى شاردا ..


_________________


عدل سابقا من قبل Britney_Spears في الإثنين مايو 26, 2008 5:16 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عزوز لزوز
محـافظ مجنون
محـافظ مجنون


عدد الرسائل : 978
العمر : 29
تاريخ التسجيل : 25/05/2007

مُساهمةموضوع: رد: حسنـــاء القطار .. حلقات رومانسية متجددة   الإثنين مايو 26, 2008 4:52 pm


لا لا لا لا لا لا القصة بدات تحلى وتصير احلى واحلى الي بعدو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Banbino
محـافظ مجنون
محـافظ مجنون


عدد الرسائل : 6055
العمر : 28
Localisation : الاسكندرية
تاريخ التسجيل : 11/02/2008

مُساهمةموضوع: رد: حسنـــاء القطار .. حلقات رومانسية متجددة   الإثنين مايو 26, 2008 8:41 pm

ها وبعدين كمل يا BOSS
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahmedfawzy202.piczo.com/Pics?cr=3&linkvar=000044
ar2mlaak
محـافظ مجنون
محـافظ مجنون


عدد الرسائل : 2515
تاريخ التسجيل : 09/04/2007

مُساهمةموضوع: رد: حسنـــاء القطار .. حلقات رومانسية متجددة   الإثنين مايو 26, 2008 10:02 pm

لأ انا عايزة اعرف يعرف اختها منين

انت عديت الحته دى
بريتنى ؟؟؟
بلاش كروته
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
The President
رئيس الدولــة
رئيس الدولــة


عدد الرسائل : 1589
تاريخ التسجيل : 05/04/2007

مُساهمةموضوع: رد: حسنـــاء القطار .. حلقات رومانسية متجددة   الثلاثاء مايو 27, 2008 1:57 pm


الحلقة الخامسة

كانت سارة هى الاخرى لم تنم .. تفكر لما فعلت ذلك , حتى سألتها ( أم حازم ) التى كانت نائمة بجوارها :
- انتى لسة منمتيش يا نور ؟
نور : مش جايلى نوم يا ماما ..
الأم : هو حازم جه ولا لسة ؟
نور : أيوة جه ... و أنا حضرت له العشا ..
الام : طيب يابنتى ربنا يخليكى ..... ثم اكملت نومها

اما نور فلم تنم .. وامسكت بصورة حازم الموجودة بالغرفة .. وظلت تتأملها .. بعدها قامت تتحرك فى بطء وتمشى على أطراف أصابعها حتى لايشعر بها أحد ... وفتحت باب الغرفة قليلا فى هدوء ... تريد أن ترى حازم ورد فعله .. فوجدت حازم مستلقى على الأريكة .. ويستمع الى الموسيقى حتى أصدر الباب صوتا .. فشعر بها حازم وهى ترقبه .. وفجأة نظر اليها ... فأغلقت الباب فى سرعة واسرعت الى السرير ... فضحك حازم واتجه هو الاخر ليخلد للنوم ....

فى صباح اليوم التالى ...
استيقظت فوجدت نور تجلس فى البلكونة ... حيث كانت الشمس ساطعة بعد برودة الليلة السابقة .... لكنها مازالت خجولة بما حدث فى الليلة الماضية .. فحاولت أن اكلمها فى مشكلتها الاساسية التى قد نسيناها :
- نور .. أنتى بتفكرى ترجعى لاهلك ؟
نور : خلاص زهقتوا منى ؟!
ابتسمت : لأ طبعا .. بس أكيد هما قلقانين عليكى...
نور : أنا مش عاوزة ارجع لهم .. وأنا هسيب البيت هنا كمان .. وأروح أى مكان يكتبه لىّ ربنا طالما زهقتوا ...
قلت : أنتى زعلتى ولا ايه .. ؟ انتى خلاص بقيتى مننا ... ومنقدرش نستغنى عنك ..
ابتسمت نور كعادتها : معناه ايه الكلام ده ؟
قلت فى دعابة :
- اظن كلامى واضح ..
نور فى دعابة : اعذرنى .. أنا فهمى على قدى ..
وهمت لتقوم فامسكت بيدها لتجلس :
- نور .... أنا ..... أنا .... أنا بحبك ..

قلتها دون مقدمات .. قلتها فى ثقة .. وبعدما أحسست بخجولها , وحمرة وجهها ...
اكملت : كان فيه شنطة معايا امبارح ...
نور :- شنطة أيه .. سيبك من الشنطة ... فابتسمت
نور : انتى بتحبنى فعلا .. ؟
اخذت نفسا عميقا : أيوة بحبك ... عاوزانى اسمع الناس كلها
ضحكت نور
اكمات : هه قلتى ايه ؟

هنا جاءت أمى .. وجلست معنا وقطعت حديثنا ..
نظرت الى أمى :
- ماما .. أنا شامم ريحة شياط فى المطبخ ..
أمى : لأ اطمن .. المطبخ تمام .. أنا لسة جاية منه ..تلاقيها تهيئات..

بعدما ادركت أن أمى لن تتحرك .. نظرت الى نور :
- فين الشنطة اللى كانت معايا وأنا راجع امبارح ؟
نور : اه ..اللى هناك دى ؟

قمت واحضرتها .. انه فستان قمت بشرائه لنور كى تحضر معى حفل زواج أحد أصدقائى المقربين ..

نور فى سعادة بالغة : الله ده ليا .. ؟
: ايوة طبعا .. بس يارب يكون المقاس مظبوط
نور : وبمناسبة ايه ..؟
اكملت : انتى هتيجى معايا فرح دكتور كريم صاحبى النهاردة ...
أمى : عقبالك يا نور ..
نظرت الى نور : هه .. هتيجى معايا ..؟

ابتسمت كعادتها وهزت رأسها بالموافقة

دقت الساعة تشير الى التاسعة مساء"
وأنا انظر الى الساعة :
- انتى جهزتى يا نور
صوت نور من داخل الغرفة:
- ثوانى
انظر الى الساعة مرة أخرى :
- يلا يا نور
هنا خرجت نور من الحجرة فى فستانها الجديد الفضى اللون ... وعقد جميل ترتديه حول رقبتها
نور : أنا جاهزة
مسحت عينى بيدى .. ولم انطق بكلمة من كثرة جمالها واناقتها
نور مرة اخرى : أنا جاهزة ..
: اه ... ومازلت مهيما : ملاك ... هذا مانطقت به
نور : بتقول حاجة ..؟
نظرت الى نور :
- أنا بقول بلاش الفرح .. ونحتفل هنا احسن..
نور : لا.. بعدين صحبك يزعل منك .. يلا بقى

ذهبنا الى حفل الزفاف ... وهناك شعرت بأن نور جذبت انتباه الحضور جميعهم ... فكم كانت جميلة فى ذلك الفستان .. حتى اننى بدأت أشعر بالغيرة من نظرات ممن كانو بالفرح ...

اما نور فلا تنظر الا الىّ .. ثم تنظر الى العروسين .. وكأنها تتمنى أن نكون مكانهما وهما يرقصان على ألحان الموسيقى الهادئة .. حتى استأذنت منى .. ووجدتها تتجه الى عازف الموسيقى وتهمس له فى أذنه .. ثم عادت مجددا ..

بعدها وجدت ذلك العازف يتحدث :
- عاوزين كل اتنين من أصحاب العروسين يشاركوهم .. ويرقصوا على ألحان الموسيقى الجاية ..
نظرت لـ نور :
- انا مليش فى الرقص الهادى ده خالص .. ولا عمرى عرفت ارقص ... فضحكت نور
ثم فوجئت بأنه يعزف موسيقى السراب والحب الرومانسية
نظرت الىّ نور : هه مش هتقوم ؟
: قلت لك .. أنا مليش فى الرقص خالص ..
نور : قوم هو حد هنا يعنى بيعرف يرقص ..؟
: يا نور الناس هتضحك علينا ... أنا مرة رقصت قبل كدة .. اتقلبت فقرة كوميدية
نور : أنا هعلمك .. ومجانا ياسيدى
هززت رأسى بالرفض : آسف يا نور ..
نور فى حزن : خلاص زى ماتحب ... ثم صمتت

وجدتها احرجت وظهر الحزن على وجهها
فأكملت : بس شوية صغيرين .. وهنقعد لو حسيت أن حد بيضحك علينا
ضحكت نور ... و أمسكت بيدى .. وقمت كى أفعل شيئا لا أجيده على الاطلاق ......

أصرت نور أن نرقص سويا مع من يرقصون على ألحان تلك الموسيقى ... وبعدما وافقت أمسكت بيدى .. وهممنا لنرقص سويا ..
وضعت أيدى على خصرها .. ووضعت نور يدها على كتفى .. وبدأنا لنرقص ... حتى حدث ماتوقعته ... تعثرت وكادت نور أن تسقط معى .. حتى ضحك من شاهدونا بسخرية ..

: أنا قلت لكى انى مبعرفش ارقص .. يلا بينا نقعد ..
نور : اسمعنى .. هنحاول مرة تانية ..
نظرت الى من يضحكون علينا :
- كدة الناس هتضحك علينا أكتر وأكتر
نور : سيبك منهم دلوقتى ... كل اللى أنا عاوزاه منك .. أنك تركز مع الموسيقى .. وتبص فى عينيا .. وبس
: بس دى آخر مرة يا نور ..
نور : طيب بس اعمل زى ماقلت

وضعت يدى على خصرها مرة أخرى .. ووضعت يديها على كتفى .. وانصتّ الى الموسيقى ..و نظرت الى عينيها كما طلبت منى ... وكنت متأكد من الفشل مرة ثانية ..


لا أعلم ماذا حدث لى حين التقت عينانا .. لم اشعر بنفسى وقتها .. ولم افكر الا فى تلك العينين الساحرتين .. وبدأت أرقص وكأنى محترف .. حتى جذبنا انتباه كل الحاضرين ...

حتى من كانو يرقصون غيرنا جلسوا ليشاهدونا ... و أصبحت أنا ونور فقط من نرقص .. وكأنه فرحنا ... والكل منبهر بنا ونحن مندمجان مع الموسيقى و كأنها لحنت لنا ... وأنا مهيم لا اشعر بشئ من حولى ... حتى نور هى الأخرى بدت وكأنها هائمة ... ووضعت رأسها على كتفى .. وبعدها تعود لتلتقى عينانا مرة أخرى ... حتى اندهشت العروس , وسألت عريسها :

- هو ده صاحبك الخام ..؟
العريس :- خام أيه بقى .. ده طلع استاذ ..

حتى انتهت الموسيقى وجلسنا مرة أخرى .. والجميع ينظر الينا وانا غير مصدق لما حدث حتى اصابنى الضحك حين جاءنى شخص لم اعرفه ليحدثنى :
- يادكتور حازم .. دى دعوة ليك على فرحى الشهر الجاى ..


_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عزوز لزوز
محـافظ مجنون
محـافظ مجنون


عدد الرسائل : 978
العمر : 29
تاريخ التسجيل : 25/05/2007

مُساهمةموضوع: رد: حسنـــاء القطار .. حلقات رومانسية متجددة   الثلاثاء مايو 27, 2008 3:08 pm


ايه الرومانسية دي

يعني الي يكون خام في الرقص ممكن يتعلم في ثواني
مين سعيدة الحظ الي حتعلمني


الي بعدو يا ريس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ar2mlaak
محـافظ مجنون
محـافظ مجنون


عدد الرسائل : 2515
تاريخ التسجيل : 09/04/2007

مُساهمةموضوع: رد: حسنـــاء القطار .. حلقات رومانسية متجددة   الثلاثاء مايو 27, 2008 5:07 pm

حتى اندهشت العروس , وسألت عريسها :

- هو ده صاحبك الخام ..؟
العريس :- خام أيه بقى .. ده طلع استاذ ..


هههههههههههههههههههههههههههههههههههه
كل ده عشان بيعرف يرقص سلو
يا سااااااااااااااااااتر ع عواجيز الفرح
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
همسة محمد
محـافظ مجنون
محـافظ مجنون


عدد الرسائل : 6423
العمر : 26
تاريخ التسجيل : 26/12/2007

مُساهمةموضوع: رد: حسنـــاء القطار .. حلقات رومانسية متجددة   الثلاثاء مايو 27, 2008 5:11 pm

مممممم نور فعلا شكلها حزين ربنا يهدى

الى بعدو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
همسة محمد
محـافظ مجنون
محـافظ مجنون


عدد الرسائل : 6423
العمر : 26
تاريخ التسجيل : 26/12/2007

مُساهمةموضوع: رد: حسنـــاء القطار .. حلقات رومانسية متجددة   الثلاثاء مايو 27, 2008 5:25 pm

هههههههههههه

- هو ده صاحبك الخام ..؟
العريس :- خام أيه بقى .. ده طلع استاذ


ههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Banbino
محـافظ مجنون
محـافظ مجنون


عدد الرسائل : 6055
العمر : 28
Localisation : الاسكندرية
تاريخ التسجيل : 11/02/2008

مُساهمةموضوع: رد: حسنـــاء القطار .. حلقات رومانسية متجددة   الثلاثاء مايو 27, 2008 8:38 pm

الى بعدو يا BOSS
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahmedfawzy202.piczo.com/Pics?cr=3&linkvar=000044
The President
رئيس الدولــة
رئيس الدولــة


عدد الرسائل : 1589
تاريخ التسجيل : 05/04/2007

مُساهمةموضوع: رد: حسنـــاء القطار .. حلقات رومانسية متجددة   الأربعاء مايو 28, 2008 3:04 pm


الحلقة السادسة

.. و كنا فى قمة الارهاق .. وكل منا دخل حجرته كى يخلد للنوم .. أما أنا فمازلت فى ذلك الحلم .. واسأل نفسى :
- أخيرا لقيت البنت اللى قدرت تنسينى همومى .. وتخلينى أسعد انسان ..
وأكمل : ياااه .. نور بتحبنى الحب ده كله ..؟

ونور فى حجرتها .. لم تنم هى الاخرى .. وتنظر الى صورة حازم
: يااااه .. الله على الحب .. كنت فين من زمان ياحازم ..؟

وأنا مازلت فى حجرتى اتحدث مع نفسى :
- خلاص مفيش أى حجة ... أنا بكرة هطلب من نور انى اتجوزها ...

وهنا قررت أن اتزوج من نور .. وأن اجعلها تكمل حياتها معى ... حتى أننى أعلم أنها أحبت قبل ذلك .. ولكننا فى الحاضر .. وأنا متأكد أننى أحبها .. وأنها تحبنى ..

فى صباح اليوم التالى ....
صحوت فوجدت أمى فى المطبخ ...

: هى فين نور ياماما ؟
أمى : طب قول صباح الخير الاول ..
: طيب صباح الخير .. قوليلى بقى نور راحت فين ؟
أمى : نور صحت من بدرى .. ونزلت تشترى شوية طلبات .. وجهزت لك الفطار على السفرة ..
: طيب يا أمى .. أنا هفطر لحد ماتيجى .. لأنى محضر لكم مفاجأة ..
تركت أمى ما بيدها : مفاجأة ايه ..؟
ضحكت : اما تيجى نور .. بس اطمنى .. مفاجأة هتبسطك أوى ..

بعدها جلست اتناول افطارى .. وكل دقيقة تقع عينى على ساعة الحائط .. أريد أن تأتى نور كى اخبرها هى وأمى بما قررته .. وأن اطلب منها الزواج ..

كنت اتناول افطارى .. فوجدت بجوارى ألبوم الصور الخاص بنور .. فبدأت فى تصفحه حتى تعود نور .. واقلب صفحاته واحدة تلو الأخرى .. وأنا سعيد بمشاهدة صورها .. حتى وصلت الى تلك الصورة التى رأيتها من قبل وانشغلت بعدها بمرض أمى .. انها صورة نور وأختها ..

بدأ تفكيرى يعود من جديد .. واسأل نفسى :
- أنا شفت اللى فى الصورة دى قبل كدة فين ؟
: انا متأكد انى شفتها .. وكلمتها كمان ..
بدأت اركز اكثر .. فأكثر.. وأفكر أين قابلتها .. واقول لنفسى :
- افتكر ياحازم ..

حتى بدأت اتذكر شيئا فشيئا .. وبدأت ملامحها تتضح أكثر .. فأكثر .. فأكثر .. نعم أنها المريضة ذات اللهجة الغريبة .. حين أتت الى المستشفى .. وكنت أنا الطبيب الوحيد هناك يومها وتذكرت الحديث ..

المريضة : انا فجأة كدة بحس بدوخة يادكتور ..
: انتى بتاكلى كويس
المريضة : اه .. والتحاليل دى عملتها من شهر ..

بعدها زادت دقات قلبى .. وتوقف الطعام فى حلقى حين تذكرت باقى الحوار ..
سألتها وقتها : انتى بتشتغلى ايه ..؟
ردت فى ثقة عجبت لها :
أنا بشتغل رقاصة ......

راقصة .....
وقتها لم أجد نفسى الا مسرعا الى المستشفى .. ابحث سجلات المرضى حتى أصيب العاملون هناك بالدهشة ...
موظف التسجيل : أنت بتدور على أيه يادكتور ..؟
اجبته : أنا عاوز تذكرة مريضة .. كانت هنا يوم راس السنة اللى فاتت ..
الموظف : طيب ثوانى هجيب لك تذاكر اليوم ده ..
: هات لى بس التذاكر اللى عليها امضتى ..

أتى الموظف بكم هائل من التذاكر .. وبدأت اتفحصها واحدة تلو الاخرى .... وبعد بحث طويل .. أمسكت بأحدى التذاكر :
- أيوة هى دى .. أنا فاكر تشخيصى كويس .... الاسم .. وفاء على ... ايوة .. وفاء ..

ثم أخذت العنوان المكتوب فى تلك التذكرة بعدما تأكدت أنها المقصودة ... وبقى أن افكر فيما افعل بعد ذلك ...

بعدها ذهبت الى صديقى ماجد الذى يعلم كل شئ عما يحدث .. ولا أخفى عنه شئ ... وبعد تفكير طويل ..
ماجد : احنا أحسن حاجة نروح العنوان .. ونعرف كل حاجة بنفسنا ..
قلت فى حيرة : أنت شايف كدة ..؟
ماجد : أيوة .. و أنا عندى خطة كويسة ندخل بيها البيت من بابه كمان ..
قمت على الفور : طيب .. يلا بينا

فى الوقت ذاته .. عادت نور الى البيت مرة أخرى ..
أم حازم : أنتى اتاخرتى ليه يا نور ..؟
نور : هاعمل أيه ياماما .. على اما اشتريت كل الطلبات ..
أم حازم : اصل حازم كان عاوزك .. وبيقول أنه عامل لنا مفاجأة ..
نور فى لهفة :
- مفاجأة ... مفاجأة أيه ..؟
أم حازم : مرضاش يقولى الا ماتيجى انتى .. ولما اتأخرتى نزل ..

ضحكت نور .. وكأنها تعلم بتلك المفاجأة .. ثم جلست وظلت شاردة الذهن .. وتنتظر حازم بفارغ الصبر ..

ذهبت أنا وماجد الى العنوان المقصود .. حتى اقتربنا من المنطقة التى تسكن بها .. وبدأنا نسأل من يقابلنا فى طريقنا .. و اندهشنا من ردود الناس .. فهناك من كان يدلنا .. وهناك من يقولها صريحة :
- اعوذ بالله
حتى وصلنا البيت .. طرقنا الباب .. وفتحت احدى الفتيات
ماجد : بيت الست وفاء ..؟
الفتاة : أيوة .. أنتو مين ..؟
ماجد :- احنا عاوزين الست وفاء فى حفلة ..؟
صوت نسائى من الداخل :
- مين يابطة ..؟
الفتاة فى رعونة : دول زباين يا أبلة ... ثم نظرت الينا :
- اتفضلو ادخلو ..

دخلنا البيت .. ثم وجدت من كانت بالصورة .. وحمدت الله أنها لم تتذكرنى ... جلست وبدأت عيناى تتفقد البيت .. و أنا مندهش .. فأنى كنت اظن أن تلك الطبقة قد انتهت .. ولكننى فوجئت بوجودها ..

وفاء : الحفلة دى فين بقى يابيه ..؟
ماجد : هى لسة ميعادها بعيد شوية .. بس احنا قلنا لازم نرتب لها من دلوقتى ونتفق معاكى ..
وفاء : بس الاتفاق مع جوزى .. هو المسئول هنا عن كل حاجة ..
ماجد : وهو فين جوزك ..؟
وفاء وهى تنظر الى الساعة :
- زمانه جاى .. مسافة ماتشربو الساقع ..

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Banbino
محـافظ مجنون
محـافظ مجنون


عدد الرسائل : 6055
العمر : 28
Localisation : الاسكندرية
تاريخ التسجيل : 11/02/2008

مُساهمةموضوع: رد: حسنـــاء القطار .. حلقات رومانسية متجددة   الأربعاء مايو 28, 2008 3:23 pm

يا نهار اسود ... رقاصة


الى بعدو يا BOSS
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahmedfawzy202.piczo.com/Pics?cr=3&linkvar=000044
 
حسنـــاء القطار .. حلقات رومانسية متجددة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 3انتقل الى الصفحة : 1, 2, 3  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
دولـــــــة عيـــــال مجنونـــــــة :: -(( الصحافة المدرسية للناس المهلبيــة ))- :: قصص ومسلسلات يوميــة-
انتقل الى: